MULA sa mga babaeng nag-se-sexy-han habang nakasuot ng two piece swimsuits ay hindi mapigilan ni Tami ang sarili na hindi sulyapan ang kaniyang tiyan na hindi pa rin halata ang dinadala niya sa kaniyang sinapupunan. Nakasuot siya nang mga sandaling iyon ng kulay puti na one piece swimsuit na pinatungan niya ng short na kulay itim para mas makagalaw siya ng kumportable dahil sa dalawa niyang anak.
Dahil sa stretch mark niya sa kaniyang tiyan ay hindi na siya makapagsuot ng ganoon ka-daring na panglangoy. Hindi sa sobrang ikinahihiya niya ang pagkakaroon niya ng stretch mark, dahil nakuha naman niya iyon sa pagbubuntis niya. Hindi lang niya maiwasan na magkaroon ng insecurities. Lalo na at ang pe-perfect minsan ng tingin ng iba sa mga sarili.
Nang mga sandaling iyon ay nasa Alager Hotel Be
