“Nagluluto lang ako,” natatawa nitong wika. “If you’re not aware, ala una na po ng hapon. At gutom na ako. Tulog ka pa, kaya nauna na akong bumaba rito para magluto. Hindi na kita ginising muna kasi ang balak ko ay gigisingin ka kapag nakaluto na ako,” paliwanag pa sa kaniya ni Tami.
Nang kumalas siya rito ay hinalikan pa niya ito ng smack sa labi na sandaling ikinatulala nito sa kaniya. Pagkuwan ay napakurap-kurap. Bagay na nakapagpabalik ng ngiti sa labi niya.
“Siguradong masakit ang katawan mo, bakit hindi mo ako ginising?”
“A-ah. Mukha kasing nasa kasarapan ka pa ng tulog mo,” ani Tami na muling hinarap ang niluluto.
Nang tingnan niya kung ano ang niluluto nito ay saka lang niya nakita ang piniprito nitong manok.
“Ako na,” aniya rito.
“No! ‘Yong kamay mo ay injured pa. Hindi mo ‘
