HINDI nabanggit ni Assi kay Alejandro ang tungkol sa pagbabalak niyang negosyo. Ngunit lingid sa kaniyang kaalaman na batid na nito ang tungkol sa bagay na iyon, subalit hindi nga lamang makakuha ng tiyempo ang lalaki upang maturuan siya dahil abala pa ito sa trabaho. Hindi lamang kasi isang kumpanya ang pinapatakbo nito, kundi libo-libong mga empleyado o tauhan. Isang rason na rin kung bakit hindi na nais pang sabihin ni Assi rito ang tungkol sa pagnenegosyong balak dahil hindi na nais pang maabala si Alejandro.
Simula nang makilala ni Assi si Zion ay hinihintay niya na itong mag-text o tumawag upang makuha niya na rin ang numero nito at makausap. Ang nangyari kasi ay ang lalaki lamang ang nakakuha ng kaniyang numero at hanggang ngayon ay hindi siya nito kinokontak. Kaya naman ang ginaw
