WALANG nagawa si Assi nang iuwi siya ni Alejandro sa mansion upang makapagpahinga. Bahagya kasing natagalan ang pag-aasikaso kay Ava sa hospital at nang lumabas ang doctor ay sinabing maayos na ang kalagayan ng dalaga. Nakahinga siya nang maluwag. Kahit sino naman ay hindi hihilinging mapahamak ang kung sino dahil lamang sa sama ng loob. Batid niya rin na hindi masamang tao si Ava at natukso lamang ito sa nagawa, kung gusto nito talaga siyang saktan ay itinuloy nito sana ang pagbangga sa kaniya.
Nais niya na sanang makausap ito ngunit pinigilan siya ni Alejandro dahil kailangan magpahinga ng dalaga. “Babalik ba tayo mamaya?”
Alejandro shook his head. “No, bukas na.”
Kumunot ang kaniyang noo. “Bakit naman? Hindi ko pa siya nakakausap.”
Hinawakan nito ang kaniyang palad habang naglalak
