GINUGOL ni Assi ang oras sa trabaho at sa pagbibigay ng ekstrang oras para sa kaniyang kapatid na si Myra. Pinipilit niyang ipakita at iparamdam sa kapatid kung gaano ito kamahal, dahil kaunting oras na lamang at maghihiwalay na sila. Ilang araw na siyang hindi makatulog nang maayos dahil inaalala ang kapatid, sila na lamang ang magkasama at iiwan pa niya ito ng ilang buwan. Talagang ipakikiusap niya ito kay Alejandro. Sana ay pumayag ang lalaki. Pagkagaling niya sa trabaho ay dumiretso siya sa isang mall, tinungo niya ang department store sa loob nito at hinanap ang dress na minsan niyang nakita noon at binalik-balikan dahil wala pang pambili. Balak niya iyong iregalo sa kapatid, subalit hindi niya na ito nakita pa sa puwesto nito gaya nang nakaraan. Nalungkot tuloy siya, ngunit biglang n
