Mabilis akong bumulusok paibaba.
Inihanda ko na ang sarili ko sa kamatayang kahaharapin ko. Tumitig na lamang ako sa napakaganda, napakaliwanag at bilog na bilog na buwan. At tila ba inaaakit ako nitong abutin siya.
Kaya wala sa sarili kong iniangat ang aking kamay.
"Kunin mo na 'ko..." bulong ko sa kanya bago ko tuluyang ipinikit ang aking mga mata at habang patuloy pa rin sa pagbulusok ang aking katawan.
"Avriaahhh...." nag-echo ang kanyang tinig sa aking pandinig. Kasunod niyon ay naramdaman ko ang paghawak niya sa aking kamay at paghigit niya sa akin.
Kinukuha na niya ako!
Napangiti ako at handa nang ipaubaya sa kanya ang sarili ko. Ramdam ko ang higpit nang pagkakahawak niya sa akin.
"Avriah, hold me tight!"
Ngunit natigilan ako nang makilala ko ang pamilyar na tinig na sum
