Kaagad akong binalot ng matinding takot at kaba. Nangatal ang buo kong katawan at biglang nanumbalik sa aking isipan ang mga nangyari noong gabi sa hacienda. Ang pananamantala nila sa akin! Ang walang-awa nilang pagpatay sa pamilya ko!
"Kumusta, mahal na Prinsesa? Nagkita rin tayo sa wakas. Na-miss mo ba kami?" ani Elvish sa malaghong niyang tinig.
Nangilabot ako sa klase ng kanyang pagngisi. Para siyang demonyo! Isa siyang halimaw.
Dahan-dahan silang humakbang palapit sa akin na siyang dahilan nang matindi kong pangangatal. Halos igupo ako nito sa aking kinatatayuan.
"H-huwag kayong lalapit. H-huwag kayong l-lalapit. Huwag k-kayong lalapit." Nanginginig ang mga tuhod kong humakbang paatras.
Napasandal ako sa railings na nasa aking likuran kaya mas lalo akong nilukuban ng matinding ta
