WALA yatang sandali na hindi napapangiti si Aniah sa tuwing tatapunan niya ng tingin ang suot niyang singsing sa kaniyang kamay.
An instant promise ring from Evo.
Iyon ang bagay na galing kay Evo na hindi niya inalis sa kaniyang katawan. Pakiramdam niya, palagi pa rin niyang kasama ang binata.
Papayag ba naman siya na siya lang ang mayroong promise ring na galing kay Evo? Siyempre, hindi.
Nagpa-customize siya ng panlalaki na singsing. Gold iyon. Sa loob ng singsing ay mayroong naka-engrave na pangalan nila ni Evo. Kaya sobrang espesyal niyon para sa kaniya.
Sigurado siyang tatanggihan iyon ni Evo. Lalo na at totoong gold ang singsing. Pero hindi naman mahalaga sa kaniya ang presyo niyon. Isa pa, para sa taong espesyal sa kaniya ang singsing na iyon. Walang maraming design ang naturang
