REBECCA’S POV
TATLONG ARAW na kami rito sa Tagaytay. Pero kahapon lang kami nagsimulang magtrabaho ni Tristan dahil kinailangan muna naming ayusin ang aming tirahan. Para hindi na gaanong magastusan si Ma’am Sandra kaya pumayag na rin ako na magsama na lang kami sa iisang silid. Isa pa, gusto na ni Samantha na makasama palagi ang kaniyang ‘tatay-tatayan’ daw.
Pero nagdesisyon ako na hindi papayag sa one-month deal na hinihiling ni Tristan.
Ayaw ko nang gamitin ang puso ko para sa pagbabalik ng alaala niya. Ang gusto ko na lang ngayon, magkalapit sila ni Samantha bilang mag-ama. Hinahayaan ko na magkaroon siya ng mas mahaba na oras para makasama ang aming anak. Pati ang pag-aalaga ay halos ipinapaubaya ko na rin kay Tristan. Hindi ko rin naman ipinagkakait sa kaniya ang totoo sa tuwing n
