NAGMAMADALI na pumasok ulit si Colt sa loob ng bar. Kailangan niyang balikan ang naiwang cellphone at susi ng kotse sa table. Hahabulin niya si Lily. Alam niya na hindi pa ito nakakalayo.
Abot-abot ang kanyang pagsisisi sa kanyang ginawa. Hindi niya gusto maging marahas kay Lily. Nadala lang siya ng ispirito ng alak at hindi maipaliwanag na emosyon. Nakalimot siya. Hindi niya alam kung puso o utak ang paiiralin.
Kung puso ang susundin niya ay gusto niyang hatakin si Lily at ilayo sa mundo lalo na sa kanyang ama. Ngunit pinilit niya na manaig ang kanyang utak. Naging marahas siya dahil buong akala niya ay maitataboy niya si Lily sa pamamagitan niyon. Huli na nang ma-realize na mali ang kanyang ginawa.
Kung sakali man na hindi niya mahabol si Lily ay pupunta siya sa hospital sapagkat alam
