NAANTALA ang pagpasok ni Colt sa hospital room ng kanyang ama nang makita na pinagbabalat ito ni Lily ng mansanas.
Inatake sa puso ang kanyang ama noong gabi na nagkaroon sila ng argumento. Mabuti na lang at hindi malala at kaagad ito nadala sa hospital. Sa buong buhay niya ay noon lang siya nakaramdam ng matinding takot. Pakiramdam niya ay malalagutan din siya ng hininga habang dinadala sa hospital ang kanyang ama.
One more attack and will cost his father’s life. Pinayuhan siya ni Pierce na ingatan ang kanyang ama at huwag ng gagawa ng mga hakbang na labis nitong ikakasama ng loob. Ibig sabihin ay kailangan niyang magparaya at isuko ang pagmamahal para kay Lily.
Nasaktan siya noon sa ginawa sa kanya ng dating asawa at nahirapan siyang magpatuloy sa buhay dahil dala niya sa kanyang puso
