Chapter 55
“ANAK,” muli niyang pagtawag sa ‘kin na para bang napakatagal na niya akong hinahanap. Nagniningning ang mga mata niya habang ako nasusuka, hindi makapaniwala at kinikilabutan sa malalambing niyang boses.
Napaaatras ako nang sinubukan niyang lumapit sa ‘kin. Tumigil siya nang mapansin niyang umiiwas ako. Nagtaas-baba ang balikat niya sa pagbuntong-hininga niya. Napailing ako kahit na pilit pa rin niya at para bang gusto niyang lumapit sa ‘kin.
“Hi-hindi mo ko anak, hindi kita tatay, hindi,” iiling-iling ako sa kanya.
“Magpapaliwanag ako,” wika niya na puno ng pagsusumamo.
Nong malaman kong siya ang tunay kong tatay, ang daming tanong ngunit hindi ko man lang magawang itanong sa kanya sa gulo ng isip ko at may kung ano akong nararamdaman pero hindi ko maatim na siya ang ama
