JAMILLA
Tunog ng malakas na pag-ring ng cellphone ni Aidan ang narinig namin habang nakatayo kami dito sa ilalim ng puno at nakaluhod sa damuhan sa harap namin si Romeo.
“Si Lolo Sabby,” narinig kong sabi ni Aidan.
“Sagutin mo na at babalatan ka niya ng buhay kapag pinatagal mo pa ‘yan, Aidan,” agad na utos ni Romeo sa kaniyang kaibigan.
Biglang lumakas si Romeo nang marinig niya ang pagtawag ni Lolo Sabby dahil alam niya na pagagalitan siya ng matandang iyon kapag narinig nito ang kadramahan niya.
“Lolo,” narinig kong sabi ni Aidan nang sagutin niya ang tawag sa kaniya.
“Nakausap mo na ba si Jamilla?” agad na tanong ni Lolo Sabby mula sa kabilang linya. Narinig namin ito dahil naka-loudspeaker ang cellphone ni Aidan.
Tiningnan ako ng kinakapatid ko at pagkatapos, ngumisi siya sa a
