"MAGANDANG gabi po, sino po sila?" tanong noong ale.
"Ako po si Edgardo, anak po ni Don Dante. Kayo po, sino po sila?" magalang na tanong ni Edgardo. Sabay-sabay kaming nagulat dahil hindi namin inaasahan na ibang tao ang bubungad sa amin.
"Ay, pasensya na po kayo, Senyorito. Magandang gabi po sa inyo. Tuloy po," taranta nitong wika tapos gumilid na siya para makapasok kami.
"Kumain na po ba kayo? Ipaghahanda ko po kayo ng makakain."
"Naku po, hindi na po kailangan. Kumain na po kami. Nasaan po si ama?" tanong ni Edgardo. Nanatili kaming tahimik ni Mildred. Ako, iginala ko ang aking mga mata.
"Umalis po ngayon si Don Dante ngunit sabi niya ay babalik din po siya kaagad."
"Ah, ganoon po ba? Saan po kaya siya nagpunta?"
"Kina Don Crisanto po. Paniguradong pag-uusapan po nila ang nalal
