EDGARDO
"Gar, sino ba 'yong mayabang na iyon? Bakit ka naman umiyak sa sinabi niya. Dapat ginantihan mo rin, pinagsalitaan."
Naglalakad kami pauwi. Hindi pa rin ako tumitigil sa pag-iyak dahil tinamaan ako sa sinabi ni Basilio. Hindi ko naman intensyon na magkaroon sila ng maling interpretasyon sa sinabi ni Christoper. Tunay na pumirma ako at kinuha ang pabuya ngunit hanggang doon lamang iyon. Hindi naman ako sasama sa welga.
"Tahan na. Shortcut na lang tayo, Gar. Dito, oh. Tapos ang labas ay malapit sa bahay ng Rimas. Silipin natin 'yong welga na nangyayari. Malay mo may mahita pa tayo. Gusto ko rin kasing makita ang ekspresyon ni Aquilina. Paniguradong iiyak 'yong kap--"
Kinuwelyuhan ko siya dahil nainis ako noong bigla niyang banggitin nang walang galang ang pangalan nito.
"Gar...
