NAPAAWANG ANG MGA labi ni Norberto nang marinig ang sinambit ng anak. Malabong si Esmeralda iyon. Marahil ang anak nitong si Cassidy ay nakabalik na. Parang pinagbiyak na bunga ang mag-ina. Katulad ni Leandro at Noah, kailangan rin magsanay nito sa akademya.
“Hindi iyon si Esmeralda, anak. Si Cassidy Zendejas ang nakita mo.”
“Cassidy Zendejas? Hindi iyon ang pakilala niya sa akin. Aniya siya si Celine Chan. May kasama pa nga itong tagabantay,” ani Noah.
“Si Cassidy iyon, anak. Hindi alam nang organisasyon ang patungkol sa apo ni Don Juan kay Esmeralda. Itinago ni Iñigo ang anak sa organisasyon. Ngunit nalaman ko ang katotohanan matapos kung makalaban si Señorita. Inakala ko rin siya si Esmeralda kaya’t nalinlang ako. Kung alam ko lamang matagal nang nabuwag ang Green Phyton.”
“Kung ga
