Sky
"Nasaan sila, Justin? Saan mo sila nakita at pupuntahan ko sila," tiim-bagang na wika ko nang maikwento niya ang lahat nang narinig niya.
Tumayo ako para puntahan sana sila ngunit agad na akong pinigilan ni Erwin. ''H'wag kang padalus-dalos, Sky. Mas malalagay sa panganib si Jasmine kapag hindi ka nag-isip. Mag-isip ka nga muna nang mabuti bago ka kumilos. Lasing ka at hindi magandang kumprontahin sila na ganyan ang tema ng katawan mo," galit na pigil sa akin ni Erwin.
Itinulak niya ako para maupo ulit ako sa sofa. Nakaramdam ako ng matinding pagkahilo nang mapaupo ako. Pakiramdam ko naalog ang utak ko mula sa loob ng ulo ko. Umasim ang bibig ko, mukhang babaliktad pa yata ang sikmura ko.
"What the hell? Bakit ka ba nanunulak, Erwin?" singhal ko kay Erwin. Fûck! Nasobrahan ko nga
