NAPAISIP si Natalya. Posible kayang kilala ni Erron ang halimaw na lumusob sa kanya? O maaring alam na nito na may aatakeng halimaw sa kanya. Puno siya ng pagdududa. Gayunpaman ay nanaig pa rin ang positibong nagawa ng binata. Kung hindi ito dumating ay baka natangay na siya ng halimaw na lalaki. Wala na siyang pakialam kung kilala nito o hindi ang halimaw. Ang mahalaga ay ligtas siya.
“Your life is in risk, Natalya,” sabi ni Erron na bumasag sa katahimikan.
Matamang tumitig siya rito. Pagkuwan ay ibinaba niya ang tingin sa kamay nito na nakahawak pa rin sa kanyang kamay. Para ba siyang naparalisa at napako ang kamay nito sa kamay niya. Marahan niyang binawi ang kanyang kamay at humalukipkip.
“What do you mean?” tanong niya.
“Dahil sa lakas-loob mong pagharap sa bampira, tumatak ka na
