SABADO ng gabi. Walang pasok sa trabaho si Natalya. Nasurpresa siya sa biglaang pagsulpot ni Harold sa apartment na tinutuluyan niya, nagkataon pang wala si Melody. Umuwi kasi si Melody sa Maynila para dalawin ang inang may sakit.
“Napadalaw ka, tapos na ba ang duty mo?” tanong niya kay Harold nang papasukin na niya ito.
Deretsong pumasok ang binata at umupo sa couch. Nakasuot lang ito ng puting polo at faded jeans. Matanda lang ng dalawang taon sa kanya si Harold at ayon dito ay wala pa itong girlfriend. No girlfriend since birth daw ito. Parang ayaw niyang maniwala roon. Guwapo ito at maganda ang pangangatawan. Marahil ay dahil sa nature ng trabaho nito or whatever.
“Isang oras lang ang duty ko. Bigla kitang na-miss kaya naisip kong dalawin ka,” nakangiting sagot nito.
“Naku, ngayon
