HINDI alam ni Liam kung ano ang pumasok sa kanya at nagawa niyang saluhin ang flying kiss ni Gail sa kanya. Kita niyang tumamis ang ngiti ng babae sa kanyang ginawa at batid niyang kinikilig ito.
Hindi mapaglabanan ni Gail ang sobrang kilig sa inasta ni Liam, hindi niya aakalain na magagawa nitong saluhin ang kanyang binigay na flying kiss. Halos manginig pa siya sa kilig na hatid niyon sa kanya nang bigla siyang hilain ng ina.
"Ay aray ko naman, 'Nay! Bakit po kayo nang hahablot?" maktol ni Gail sa ina. Buti na lamang at naisara agad nito ang pinto kung hindi ay baka narinig pa sila ni Liam.
"Hoy, Abby Gail, sabi mo ay ipagmamaneho mo lang ang apo ng amo mo. Bakit ngayon siya na yata ang menamaneho mo," pamaywang na wika ng kanyang ina. "At may flying kiss, flying kiss ka pang nalalam
