Panay ang dasal ni Gail mula nang umalis ang kanyang asawa, gustuhin mang samahan ito pero dahil sa ipinagbubuntis ay mas mainam na mamalagi lang siya sa bahay.
"Baks, tulog na, hindi makakabuti kay baby ang ganyan," saad ni Dinky nang makitang gising pa pala. Nasa sofa rin ito habang sina Manang Lourdes, Aling Minda at ang kanyang ina ay nasa carpet kung saan sila naglatag ng mahihigaan.
"Hindi ako makatulog, baks, para kasing kapag natulog ako ay mawawala ang aking asawa," saad niya sa kaibigan.
"Huwag kang mag-isip ng ganyan, alam kong babalikan kayo ni Liam. Alam mo naman ang bilin sa 'yo ng doktor na hindi ka pwedeng magpuyat at ma-stress," giit ni Dinky. Alam niyang bago umalis ang asawa ay ibinilin siya dito upang bantayan at laging paalalahanan.
Napansin ni Dinky na tila naman
