Third Person POV
Kaagad ding naabutan ni King ang kotseng nagtangkang bumangga sa kanila ni Damzel. Nakita din naman kaagad siya ng lalaking nagmamaneho nito. Ngumisi ito at nagpatuloy sa mabilis na pagmamaneho ng kotse.
Inilabas naman ni King ang nakasuksok niyang baril sa tagiliran niya at pinagbabaril ang isang gulong nito sa unahan. Kaagad na pumutok ang gulong nito, at dahil sa bilis ng takbo ng kotse ay bigla na lamang itong humagis at ilang ulit bumali-baligtad sa kalsada bago huminto nang nakataob.
Kaagad ding pinahinto ni King ang pagpapatakbo sa motorsiklo niya at bumaba dito. Mabilis niyang nilapitan ang kotse at sinilip ang lalaki sa loob. Basag-basag na ang mga bintana nito at nakita niyang gumagalaw pa ang driver nito. Wala itong ibang kasama sa loob.
Kaagad niyang hinil
