Damzel
"Okay ka na?" tanong ko kay King na ngayo'y kapapasok lamang dito sa aming silid.
"Yeah." Kakamot-kamot naman siya sa ulo niya. Siguradong kagigising lamang niya mula sa pangalawang beses niyang pagbagsak at pagkawala ng malay-tao sa nipa house.
Lumapit na rin siya dito sa kama at pinagmasdan ang anak naming nasa tabi ko na at sumususo sa akin.
Kasalukuyan na kami ngayong naririto sa silid namin sa mansion. Sa nipa house na ako inabutan nang panganganak kanina. Bago pa dumating sila Mommy at Kiara ay nakalabas na si baby. At kitang-kita ni King kung paano lumuwa mula sa pwerta ko ang anak namin. Maraming dugo at tubig na kasama, kaya hayon, bumagsak ulit ang magaling kong asawa at sa sahig na siya bumulagta.
Ang mga bodyguard ang bumuhat sa kanya at pinaamoy ng gamot sa ilong,
