KABANATA 19:
UNANG nakakita sa akin ang isa niyang tauhan kaya narinig kong ni-radyo pa iyon sa kanya. Maya-maya pa ay nakita ko na din si Jacob na bitbit ang gamit ko at humahangos na sa pagpunta sa akin.
“Thank god, you’re safe!” Pumikit ito ng mariin at nagulat ako sa mahigpit na yakap niya sa akin. Umurong ata ang luha ko sa gulat ko dahil sa ginawa niya. Hindi ko inaasahan na kumpara sa aming dalawa ay siya ang higit na apektado sa pagkawala ko.
Akala ko kapag nakita ko siya ay ako itong susugod ng yakap sa kanya at magiiyak sa kanyang balikat. Dahil sa totoo lang takot na takot na ako kanina pero tinitibayan ko lang ang aking luob dahil alam kong hahanapin niya ako.
Hinayaan ko siya na yakapin ako kahit na may ilan doon sa tauh
