“ANO’NG naisip mo at napalusob ka nang wala sa oras? Ang ganda ng usapan natin, ah? Bakit lumusob ka nang walang pasabi?” seryosong tanong ni Daylan na siya ring nanutok ng baril kay Clyde.
“Ikaw, Smith, kailan ka pa natutong manutok ng tao na walang-kalaban-laban? Paano kung may sakit ako sa puso at bigla akong inatake, ha?” tugon ng binata.
“Mga baliw! Nagtanong ang isa, sinagot din naman ng isa ng tanong. Uso pa pala ang balikan ng tanong, ’no?” ani CM.
“Crystal Marie, nandito ka rin pala—”
“Alam mo, De Luna, kung hindi lang dahil sa mga salot sa lipunan na iyan, kanina pa kita sinapak nang bonggang-bongga,” nakasimangot na tugon ni CM.
Akmang magsasalita pa sana si Clyde pero nagising ang isa sa mga bihag nila.
“What are you doing here? And why we’re in handcuffs?” nagtatakang t
