“Ma’am Ibyang, okay lang po ba kayo?” tanong sa akin ng katulong.
Napansin niya kasi akong nakatulala habang nakatambay sa terasa ng bahay.
Lumingon ako sa kanya. “Manang, sa tingin n’yo, babalik pa ang dati kong mukha?” tanong ko.
Pinagmasdan niya ako ng ilang segundo.
“Alam n’yo, hindi ako doktor, pero kapag marami kang pera, walang imposible. Marami akong nakikitang content creator na biglang gumaganda kapag nagpaparetoke ng ilong.”
“Sa tingin n’yo, maganda ako?”
Tumango siya. “Maganda pa rin naman kayo kahit ganyan ang itsura n’yo.”
Bumuntong-hininga ako. “Manang, hindi naman ako bulag para hindi makita kung ano’ng itsura ko ngayon.”
“Bakit n’yo po ba tinatanong?”
“Iniisip ko kung ano kaya ang itsura ko noon.”
“Alam n’yo, ang sigurado ako—may maliit kayong anak.”
Seryoso ako
