Natulala ako habang pinagmamasdan ang malaking bahay ni Carlito. Ang buong akala ko ay sa isang condo kami pansamantalang maninirahan habang nandito kami sa Manila.
“Ang laki ng bahay mo,” hindi ko napigilan sabihin sa kanya.
“Actually, bahay ito ng magulang ko,” sagot niya sa akin habang isa-isang inaalis ang mga maleta sa loob ng sasakyan.
Tumingin ako sa kanya. “Kasama mo ang magulang mo dito?”
Umiling siya. “Sa Amerika sila ngayon nakatira. Citizen na sila doon, minsan bumibisita sila dito.”
“Bakit hindi ka na lang sa Amerika nagtrabaho? Mukhang mas malaki ang sahod doon.”
Tumango siya. “Mas marami kasing mahihirap ang nangangailangan sa katulad kong doktor. Yung mga pasyente sa ibang bansa karamihan sagot ng gobyerno ang gastos kapag nagkakasakit sila. Dito sa Pilipinas, kapag w
