“Ano na ang plano mo?” tanong sa akin ni Betina.
Hawak ko ngayon ang resulta ng DNA test namin na nagpapatunay na ako ang totoong si Halley.
“Ibibigay ko kay Lucas kapag umuwi siya sa bahay ng biyenan ko.”
“Siguraduhin mo lang na hindi ‘yan makukuha ng impostor mo.”
Tumango ako. “Huwag kang mag-alala dahil hindi naman siya pumupunta sa bahay ng biyenan ko.”
Bumuntong-hininga si Betina. “Alam mo ba ang impostor mo? Kinakawawa niya ang mga katulong n’yo sa mansyon. Ang iba gusto ng mag-resign.”
“Kung may nakakausap ka sa kanila, sabihin mo na huwag umalis.”
“Sinabi ko na sa kanila ‘yan. Sinabi kong baka impostor ang amo nilang babae kaya nag-iba ang ugali.”
“Si Lucas? Anong ginagawang paraan para pigilan ang impostor ko.”
“Sinasabihan naman daw kaya lang kapag wala si Lucas, bumabal
