NATIGILAN si Rael nang makita ang nakangiting mukha ng dating nobya, habang nakataas ang isang kamay nito at kumakaway sa dalagang si Dahlia.
"Hey, half-sis!" Humakbang ito papalapit sa kanila habang nakatuon ang paningin kay Dahlia.
Ilang ulit siyang napalunok nang maramdaman ang mabilis na pagtibok ng puso niya habang nakatingin sa nakangiti nitong mukha. Ganoon pa rin ang dulot sa kaniya ng babae. Katulad noon, nagagawa pa rin nitong patibukin nang mabilis ang kaniyang puso. Nahihirapan siyang huminga.
Tila naiinis na nag-iwas siya ng tingin. Hindi niya alam kung bakit may nararamdaman pa rin siya para sa dalaga sa kabila ng ginawa nito sa kaniya noon. Galit ang dapat na nararamdaman niya rito—galit lamang—ngunit naroon siya ngayon, nagagalit sa sarili dahil maging sa mga oras na iyo
