MAHABANG buntong-hininga ang pinakawalan ni Rael matapos lumapat ang likod nito sa malambot na kama. Inilagay niya sa likod ng ulo at ginawan unan ang isang braso, saka tumitig sa puting kisame.
Muling nagbalik sa isipan niya ang babaeng nakita kanina sa balkonahe. Mukhang mahiyain ito at hindi sanay sa ibang tao, o baka sadyang takot lang ito dahil sa mga nagbabanta sa buhay nito.
Hindi niya mapigilang hindi isipin kung ano ang hitsura ng babae. Sa palagay niya, hindi magtatagal at makikilala rin niya ito. Malaki man ang mansiyon ay maliit pa rin ang mundo. Mas malaki ang tiyansa na sa mga susunod na araw, makikilala niya ang dalaga. Sa palagay niya ay hindi ito asawa ng don dahil mukhang mas bata ito kaysa sa inaasahan niya.
Kinabukasan matapos maligo at makapag-ayos, wala pang alas-
