Gaano man ang ginawang lakad-takbo ni Valerie ay hindi pa rin siya nakaligtas kay Frank, nakalabas man sa ospital pero hindi pa man nakakapara ng taxi na masasakyan ay mabilis siyang sinunggaban ni Frank sa kanyang braso. Hinila siya nito at halos kaladkarin.
"Frank, ano ba? Bitiwan mo ako," mabilis niyang piksi sa kamay nito ngunit gaya pa rin noong una na tila bakal ang mga kamay nitong nakahawak sa kanya. "Frank, nasasaktan ako," daing pa niya.
Tila walang pakialam si Frank sa kanya at kinalakadkad siya nito patungo sa kinaroroonan ng sasakyan nito.
"Frank, ano ba?!" gali na galit na niyang pilit binabaklas ang kamay nitong nakahawak sa braso niya huwag lang siyang maisakay nito sa kanyang sasakyan.
"Get in!" maawtoridad na wika ni Frank sa kanya ngunit matapang siyang tumitig dit
