Kinakabahan siya. Takot na takot siyang nakaupo sa likuran ng kotse. Mag-isa lang siya sa likod, habang ang mga lalaking sumundo sa kanya ay nasa driver seat at passenger seat. Nanginginig ang buong katawan niya.
Isa lang ang nasa isip niya: tawagan si Enzo at humingi ng tulong. Kaso naiwan ang cellphone niya sa apartment ni Lyca. Wala siyang anumang gamit na nadala dahil sa pagkabigla kanina.
Alam niyang si Mr. De Silva ang nagpasundo sa kanya, kaya takot na takot siya. Anong malay niya kung ano ang gagawin sa kanya ni Mr. De Silva? Baka katulad ng mga napapanood niya sa mga novela—pinapatay ang mga taong ayaw ng mga mayayaman.
Ayaw na ayaw sa kanya ni Mr. De Silva. Abot-langit ang pagkasuklam nito sa kanya para sa anak nito.
Hindi naman siguro ganoon kasama ang mangyayari sa
