Matamlay siya nang inihatid ni Enzo sa university. Hindi na nga siya nakasabay sa almusal kasama ang mga bisita ni Enzo. Nagdahilan na lang siyang busog pa at walang gana.
Buti na lang, hindi na namilit pa sa kanya si Enzo. Alam kasi niyang kung sasabay siya, hindi pwedeng hindi mag-usisa ang stepmom ng asawa kung sino siya at anong ginagawa niya sa bahay ni Enzo. At masasaktan lang siya muli sa isasagot ng asawa.
Panigurado, magsisinungaling ang asawa at itatago ang tunay nilang relasyon.
Naroon pa naman si Dale. Alam ni Dale kung sino siya sa buhay ni Enzo. Napahiya na nga siya kanina nang makita siyang umiiyak ng binata.
Kahit naman yata sinong nasa kalagayan niya, maiiyak.
Biruin niya, hindi siya magawang ipakilala ng asawa sa iba. Hindi siya kayang iharap ng asawa sa ib
