"Kuya pahinga muna tayo" pagod na ang hitsura ni Estong na umupo sa isang sementong upuan sa gilid ng kalsada. Kanina pa kasi sila naglalakad ni Lorben. Hinahanap nila ang gangster na lalaking nakitaan ni Lorben ng Ardia ng kanilang prinsesa.
"Sige" pag-unlak naman ni Lorben. Nakitabi ito ng upo sa bata.
"Alam mo kuya mahihirapan tayong hanapin 'yon eh, sa dami ng tao dito sa Maynila" reklamo ni Estong. Parang nagsisisi na ito bakit nangako itong tutulungan si Lorben dahil napaka-imposible pala ng gusto nilang mangyari. Ang maghanap ng taong sinakupan ng tinutukoy nitong Ardia, dahil ngayon pa lang ay hirap na silang hanapin ang isa. Paano pa kaya ang apat?!
"Tiwala lang Estong. Mahahanap natin sila. Para sa aming mundo" tapik ni Lorben sa balikat ng bata.
"Wala ka bang ibang alam kasi
