"Teka lang ha! Naguguluhan ako eh!" naitakip ni Danica ang dalawang kamay sa kanyang magkabilang teynga. Hindi niya kasi maintindihan ang pinagsasabi nina Lorben at Estong.
Pagkatapos ng mahiwaga na namang nangyari sa hiyas sa kanyang dibdib na nagliwanag ito kadugtong ng parang compass na hawak ni Lorben ay dinala siya dito sa rooftop ng isang building. Pagkahawak sa kanya ni Lorben ay naglaho sila at napunta sila dito. Para daw mag-usap sila.
"Danica, paniwalaan mo lamang ang mga sinasabi ko at maliliwanagan ang isip mo" sabi ni Lorben.
"Pero imposible naman yata ang mga sinasabi mo! Ibang mundo?! Albayana? Ardia? Itim na prinsesa? Imposible naman ang mga iyon! Wala na ngayong mga gano'n!" giit ni Danica. Kusot na kusot ang kanyang mukha. Ayaw niya kasing paniwalaan na may ibang mundo
