The Soldier And I
Book 3
AiTenshi
Part 22: Galing sa Puso
"Kumusta na ang apo ko? Nilalagnat ka pa ba?" tanong ni mama noong dumating ito sa aming unit ng di inaashan. Bakas na bakas sa kanyang mukha ang pag aalala.
"Maayos na iyan ma, mas lalo ngang naging makulit noong gumaling." ang tugon ko “bakit napasugod ka dito ma?” ang tanong ko pa. “Ano bakit? Dadalawin ko ang apo ko, nasabi sa akin ni Bryan na may sakit daw ito kaya labis akong nag aalala, apura tuloy ang vacation naming ng papa mo.” wika ni mama at maya maya ay lumapit sa kanya si Angelo. “Lola ayos na po ako.” ang masayang entrada ng bata.
Natuwa si mama. “Kung ganoon ay pwede kana kumain ng icecream, chocolates at pizza!" ang wika ni mama sabay akay kay Angelo sa sofa at ipinakita ang lahat ng dala niyang pag kain.
