GLADIUS VILLAGE.
Pinatuloy na nga ni Cruxade ang grupo ni Laxus sa loob ng village at sinabihan nga rin niya ang kanyang mga members na kumalma dahil mga bisita niya ang mga ito. Habang matikas nga siyang naglalakad ay nilapitan siya ng isang babaeng may pulang buhok at isang lalaking archer na kalbo. Mahina nga nilang kinausap ang kanilang pinuno tungkol sa mga ito.
“Sino sila Boss? Sila ba iyong mga nagmula sa Region 1?” tanong ng babae na may IGN na Zazxa na makikita pa nga na may nakalagay sa tagiliran nito na rapier sword. Ang ganitong espada ay may mas manipis na talim kung ikukumpara sa mga pangkaraniwang swords dito sa game. Higit na mas magaan din ito kumpara sa mga iyon.
Tumango naman si Cruxade at ang kalbo niyang archer ay pasimpleng napatingin sa mga players na nasa likuran
