MINABUTI ni Khara na manuod na lang sa cellphone niya habang hinihintay ang reply sa kanya ni Lander. Hindi naman na niya makontak si Katarina baka wala ng signal sa boarding house na titirahan nito sa Pampanga.
Kakatapos lamang niyang maglinis ng bahay at marami siyang nakuhang mga kalat sa silid na ginamit ni Katarina. Napansin din niya ang papag nito na sira ang isang paa.
Nakuha din niya sa kuwarto ni Katarina ang tuwalya niya na kahapon pa niya hinahanap.
Bigla siyang nalungkot habang inaalala ang kanyang kapatid. Mami-miss niya ito ng sobra ngayong nakahanap na ito ng bagong trabaho. Si Lander naman mukhang busy sa Manila ngayon dahil inaasikaso ang ipinamana ng stepfather nito.
Habang nag-i-scroll si Khara ay nakita niya ang Fecebook page ng Shade Band, may five hundred thousan
