"Binabaan ka ng phone?" pang-aasar ni Seth sa kanya. Nasa likuran niya ito at mukhang nakikinig sa usapan nila ni Khara.
Tumango siya rito at saka inilagay ang kanyang cellphone sa bulsa. "May asawa na siya, Seth. Syempre bilang may-asawa na siya kailangan niyang mag-set ng boundaries. Nirerespeto ko naman iyon, Seth. But anyway, tinanong ko pa rin siya kung p'wede siyang pumunta ng reunion at mukhang hindi nga siya p'wede."
"Ow, ang lungkot ng mukha mo, a. Ini-expect mo ba na pupunta siya?" tanong muli nito sa kanya. Inililipat ni Seth ang mga gamit nito sa isang van dahil didiretso na siya ng Tarlac para maghanap ng lugar kung saan siya p'wedeng magbakasyon.
"Hindi naman, pagod lang ito, Seth. Huwag mo ngang bigyan ng malisya ang pag-uusap namin ni Khara. May asawa na iyong tao hindi
