"Ano na naman iyang mga binili mo?" nagtatakang tanong ni Lander kay Katarina nang dumating ito sa bahay na inuupahan nila. May mga bitbit itong mga plastics na may laman na mga damit.
"Bagong damit, kailangan ko ng mga magagandang damit, Lander. Ayoko naman na malosyang lang ako dito no? Tignan mo may binili din akong manipis na pantulog," natutuwang sabi pa nito sa kanya.
Hindi niya alam kung matutuwa ba siya o maiinis siya rito. "Iyan na iyong tatlong libo na ibinigay ko sa iyo kanina?" nagtatakang tanong niya rito.
Sinimangutan siya nito at saka nagtungo sa loob ng kanilang kuwarto. Inihagis pa nito ang mga damit na binili nito sa kanya.
"E, di ibalik mo na lang sa palengke kung saan ko iyan binili. Nakakainis!"
"Love, naman. Wala naman akong ibang ibig sabihin, e." Nilapatan niya
