Kasabay nang pagkawala ni Kuya Mon ang pagkawala ni Tatay. Patong-patong na sakit ang nararamdaman namin ni Nanay. Naglahong parang bula si Kuya Mon na dahilan kung bakit inatake sa puso si Tatay. Oras, araw, hanggang sa mailibing si Tatay ay walang Kuya Mon na nagpakita sa aming lahat. Awang-awa ako kay Nanay. Parehas kami ng nararamdaman na sakit pero hindi ko maipapaliwanag ang kay Nanay dahil bukod sa nawawala si Kuya ay namatay pa ang kanyang asawa. Kahit gusto ko nang sumuko ay hindi ko magawa. Dahil kung susuko ako, paano na si Nanay?
Si Suzy ay ilang beses nang nagpabalik-balik sakin para itanong kung nasaan si Kuya Mon pero wala akong maisagot, dahil maski kami ni Nanay ay hinahanap si Kuya. Ang alam ko'y kumuha pa siya ng mga agents para ipahanap si Kuya Mon at kung ano na nangy
