"May tao!" rinig kong turan ng isa, marahil ay narinig nito ang ingay na nalikha ko. Masama ang kutob ko sa mga 'to at naalala ko ang sigaw kanina nung lalaki na delikado sa tunnel.
"Pare, babae!" sigaw naman nung isa.
Muli akong napaatras saka umikot pabalik, tinulinan ko ang takbo ngunit nadapa ako at nasubsob pa ang mukha ko sa putik, malas... sandamakmak na malas! Tumayo ako at tumakbo ulit kahit humahapdi pa ang tuhod ko. Malapit na ang bukana, para namang humihina ang takbo ko at maabutan na ako ng mga tao. Deri-deretso ang takbo ko palabas nang masilaw ako sa ilaw ng paparating na sasakyan, pumreno 'to at di ako tinamaan, ngunit sanhi ng pagod, sugat sa tuhod, takot at kaba ay pasalampak akong naupo sa semento sa harap ng itim na sports car.
Mula sa kinasasalampakan ko ay nakita
