Masyado bang malakas ang aircon ng sasakyan niya kaya ako nanginginig? Maya't maya kong kinukuskos ang mga palad sa isa't-isa habang wala namang tigil sa panginginig ang mga tuhod at labi ko. Ayoko namang magreklamo, niligtas niya na nga ako tapos magiging demanding pa ako.
Once in a life time lang na makakasama ko siya, kaya kahit manigas ako dito sa lamig ay ayos lang. Matulin ang takbo nito ngunit agad niyang binagalan, sinulyapan niya ako kaya napasulyap na rin ako sa kanya, bumaba ang paningin nito sa kamay ko na agad ko namang ikinubli dahil baka mapansin niyang giniginaw ako at ang mas ikinakatakot ko ay ang pababain niya ako...ayokong mangyari 'yon.
Wala siyang sinasabi, di rin siya ngumiti. Tanging ang mga malalamig na titig lang mula sa mala-tsokolate nitong mata ang nakikita k
