•CHARM POV•
Ang lahat ay tahimik, walang kibo at pare-parehas na nagpapakiramdaman. Parang isang kasalanan ang umimik sa lagay naming ito. Lihim naman akong napabuntong hininga at hinuhulaan ang puwedeng pang mangyari.
Magkakatabi sa isang sofa sina Ma'am Glo na pinang-gigitnaan ni Kuya Bert at Mang Sanggo. Habang sina Ica't Aca naman ay tahimik lang na nakatayo at palinga-linga sa paligid. Sina Sendo at Ando naman ay isang oras ng nakaalis dahil gabi na at parating na si Adam.
Mahinhin na nakaupo 'yung magandang babae sa isang sofa na s'ya lamang ang umuokopa habang ako ay bahagyang malayo sa kinaroroonan nila habang lutang parin ang utak at kung saan saan naglalayag.
Magaan ang bawat galaw n'ya, para s'yang santo na talagang sasambahin mo. Babaeng babae kung kumilos at makipag-usap
