•CHARM POV•
Muntikan na akong masamid sa sarili kong laway. Mariing nagsalubong ang aking kilay at na pabalik ang tingin kay Sanghie. Anong ate?
"Sage!" Mabilis na nagtatatakbo ang dalawa sa isa't isa at mahigpit na nagyapusan. Teka, magkapatid sila?
Nabaling naman ang atensyon ko sa grupo ni Adam. Ang kaninang mga antok na antok ay ngayon ay mulagat na mulagat sa nasilayan. Lalo na si Sean na pabalik balik ang tingin kay Atiyah at Adam.
"Ate! Saan ka galing? Ka-kamusta ka? Anong nangyari nang huli tayong nagkita? A-ayus ka lang ba?" sunod sunod na tanong ni Saghie pagkatapos nilang magbigayan ng mahihigpit na yakap. Magkapatid nga sila, grabe liit talaga ang mundo.
"Ayos lang ako, Sage. Ikaw? Kamusta ka? Ang laki na ng pinagbago mo." Ramdam ko ang pagkasabik ni Atiyah sa mga letrang
