•CHARM POV•
Hindi na ako magkandaugaga sa paghahanda ng hapag, ako lang kase ang nagaasikaso dahil biglang naglaho si Ma'am Glo. Siguro'y tinangay na ni Mang Sanggo sa kung saan. Alam 'kong pwede akong mapagalitan ni Sir dahil ayaw na niya akong pagawain sa mansyon pero parang hindi niya iyon magagawa dahil ramdam ko ang tensyon sa pagitan nilang dalawa ni Justin kaya may pagkakataon akong kumilos at maghanda para sa kanila dito.
Nasa loob na ng mansyon ang lahat at lahat sila ay nasa sala habang ako ay taranta na sa paglalagay ng plato sa lamesa.
"Uy, Miwife bakit hindi mo ako pinapansin? Nagtatanong lang naman ako ah." Hindi ko magawang malingon si Ando na nasa kanang bahagi ko dahil ayaw 'kong mawalan ng pokus sa ginagawa. Mamaya'y baka palpak, nakakahiya naman lalo na sa grupo ni
