CRAIG
NAGISING ako sa hindi familiar na lugar. Nang igala ko ang aking mga mata sa paligid ay naririto ako sa isang napakagandang silid. Babangon sana ako ng mapangiwi sa kirot na naramdaman.
Saka ko lang naalala ang nangyari sa akin. Binaril talaga ako ni Evannah at hindi ko naman siya masisisi. Siguro naniniwala siya na ako ang pumatay sa mga magulang nito.
Napahugot ako ng malalim na hininga at sinikap na balewalain ang nangyari. Pinilit kong bumangon upang magtungo sa loob ng banyo.
“Kumusta, sir Legaspi?”
Natigilan ako sa pagbaba ng marinig ang boses ng isang lalaki. Lumingon ako sa kinatatayuan nito pero hindi ko ito kilala.
“Alam kong nagtataka ka kung sino ako at nasaan kang lugar. Naririto ka sa bahay ko, dito ka namin dinala ng tropa. Nagkalat ang mga taong gustong pumatay
