Kanina pa siya nakatitg sa kisame at hindi dalawin ng antok. Ewan niya kung nakit hirap na hirap siyang makatulog ngayon, eh pagod na nga siya ang ilang araw ring puyat, dahil hindi siya umuuwi para personal na bantayan si Brianna sa ospital. Kanina pa nga niya ramdam ang pagod, pero hindi naman siya makatulog.
"Joaquin," narinig niyang tawag sa kanya sa may labas ng pintuan. Kasabay pa ang katok sa pintuan.
Napabalikwas siya ng bangon mula sa pagkakahiga. Tinig ni Brianna ang narinig niya sa labas ng pintuan. Nagmamadali siyang lumapit sa may pintuan at binuksan iyon.
"Brianna," tawag niya sa dalaga nang mapagbuksan ito ng pintuan. Una niyang napansin ang pag dako ng mga mata ni Brianna sa hubad niyang katawan. Sa pagmamadali kasi niya at pagkataranta, hindi na niya nagawang magsuot ng
