"Anong meron at nagyaya kang uminom ngayon ah Sebastian?" Tanong sa kanya ni Joaquin nang magkita sila nito sa isang bar malapit sa condominium niya.
"Hindi ka kasi nagyayaya kaya ako na ang nagyaya," tugon niya at inabutan ng kopita ang kaibigan nang makaupo na ito sa tabi niya.
Ilang araw na kasi siyang naguguluhan at hindi maintindihan kung bakit hindi mawala sa isip niya si Scarlett. Ilang araw na nga silang hindi nagkikita ng dalaga mula nang huli silang mag-usap sa may pool area sa bahay nito. Alam niyang may nasabi siyang hindi maganda sa dalaga kaya tiyak na nagtatampo rin ito sa kanya, kaya wala siyang natatanggap na tawag mula rito. Kahapon nga tumambay siya malapit sa campus ni Scarlett para tignan ito kung ok lang ba ito. Nahihiya kasi siyang tawagan ito at kumustahin dahil n
