NAKATITIG lang si Ellie sa kanyang pagkain. Kahit anong sarap kasi ng adobong manok na niluto ni Margie ay hindi niya ito nalalasahan. Ang tagal nang nagsasalita sa harapan niya si Margie, pero hindi niya ito iniintindi. Hindi pa rin siya maka-move on sa natuklasan niya tungkol kay Zyrus, lalo na ang huling pag-uusap nila sa bahay nito. Hindi maganda ang huling conversation nila, nag-iwan iyon ng sugat sa puso niya. Kinagabihan niyon ay nagising siya na nasa kuwarto na siya ng kanyang bahay.
Ang sabi ni Margie, hinatid daw siya ni Zyrus na masarap pa ang kanyang tulog. Umalis naman daw kaagad ang lalaki.
“Ellie! Ellie!” pukaw sa kanya ni Margie, habang niyuyogyog ang balikat niya.
“H-Ha?” aniya.
“Ano ka ba? kanina pa ako nagtatalak dito hindi ka naman nakikinig. Ano ba’ng nangyayari
